Gəncə Şəhər Məhkəməsi Qətnamə — İş №2(125)-2513/2024

Azərbaycan Respublikası adından QƏTNAMƏ Gəncə şəhəri İş № 2(125)-2513/2024 09.04.2024 GƏNCƏ ŞƏHƏR MƏHKƏMƏSİ Hakim Səfərli Xədicə Əlicabbar qızının sədrliyi, Rüstəmov Turan Aydın oğlunun katibliyi, Ərizəçi, Mraqlı şəxs Maraqlı şəxs iştirakı ilə, Ərizəçi (Maraqlı şəxs) “mediasiya prosesi nəticəsində bağlanılmış barışıq sazişinin təsdiq edilməsi” tələbinə dair ərizəsi üzrə mülki işə açıq məhkəmə iclasında baxaraq, məhkəmə müəyyənetdi: Hazırkı mülki işin mübahisəsiz halları ondan ibarətdir ki, Ərizəçi (bundan sonra ərizəçi) və Maraqlı şəxs (bundan sonra - maraqlı şəxs) ilə 08 iyul 2011-ci il tarixdə Gəncə şəhər Kəpəz rayon qeydiyyat şöbəsində 470 nömrəli akt qeydi ilə nikah bağlanmışdır. Tərəflərin birgə nikahından 15 iyun 2011-ci il tarixdə anadan olmuş X10, 05 avqust 2013cü il tarixdə anadan olmuş X6 və 11 noyabr 2020-ci il tarixdə anadan olmuş X9 doğulmuşdur. Birinci tərəf Maraqlı şəxs, ikinci tərəf Ərizəçi, həmçinin mediator X5 iştirakı ilə bağlanılmış xx.xx.2023-cü il tarixli barışıq sazişinə əsasən, tərəflər iddia predmeti barədə könüllü razılığa gəlmişlər: tərəflər Ərizəçi Maraqlı şəxs ilə xasiyyətləri tutmadığına görə nikahlarının Məhkəmə qaydasında pozulmasına razılaşdılar və digər şərtləri öz aralarında müəyyən etməyə qərar verdilər; tərəflər Ərizəçi Maraqlı şəxs ilə xasiyyətləri tutmadığına görə nikahlarının məhkəmə qaydasında pozulmasına və digər şərtlərin öz aralarında müəyyən olunmasına, yəni uşaqların ana himayəsində saxlanılması, (X10, X9, X6) üç azyaşlı uşaqların saxlanılması üçün hər birinə hər ay 50 manat cəmi 150 manat aliment pulunun ana Ərizəçi hər ayın 01-i tarixindən 20-si tarixinə kimi kartına ata Maraqlı şəxs tərəfindən göndərilməsinə, uşaqlarla atanın görüşməsinə və birgə nikah dövründə yaşadıqları iki otaqlı bir mətbəxdən ibarət olan evin bir otağının, mətbəxdən hər ikisi şərikli istifadə etmək şərtilə uşaqlara və anaya yaşamaq üçün verilməsinə razılaşdılar; ikinci tərəf Maraqlı şəxs aralarında razılaşdıqları şərtlərə görə nikahlarının məhkəmə qaydasında pozulmasına, uşaqların ana himayəsində qalmasına, uşaqlarla görüşməsinə, özünə məxsus olan iki otaqlı bir mətbəxdən ibarət olan evin bir otağını və mətbəxindən hər ikisi istifadə etmək şərti ilə uşaqlara və ana Ərizəçi istifadə hüququ kimi verməyə, hər ayın biri tarixindən iyirmisi tarixinə kimi hər uşağa 50 manat, cəmi 150 manat aliment pulunu ananın kartına göndərməyi öz üzərinə öhdəlik götürdü və razılaşdığını bildirdi; qeyd: ata Maraqlı şəxs Bakı şəhərində tikintidə işlədiyi üçün hər ayın iki-üç gününü özünə məxsus olan evin bir otağında qalacağını və mətbəxdən şərikli istifadə edəcəyin bildirdi; birinci tərəf Ərizəçi ikinci tərəf Maraqlı şəxs bütün şərtləri ilə razılaşdığını bildirdi; bununla da tərəflər nikahın pozulması mediatorun səlahiyyətində olmadığı üçün məhkəməyə müraciət etməyə razılaşdılar; tərəflər məhkəmədən nikahlarının pozulması üçün üç ay müddət istəmirlər, tez bır vaxtda nikahlarının pozulmasına razılaşdılar və məhkəmədən xahiş edirlər; tərəflər Ərizəçi və Maraqlı şəxs oglu Barışıq sazişində yazılanları oxudular, dinlədilər və imza atmağa razılaşdılar. Gəncə Şəhər Məhkəməsinin 2(125)-6072/2023 nömrəli, xx.xx.2023-cü il tarixli qətnaməsinə əsasən Ərizəçi ilə Maraqlı şəxs arasında rəsmiləşdirilmiş nikah pozulmuşdur. Ərizəçi (Maraqlı şəxs) ərizə ilə məhkəməyə müraciət edərək, onunla Maraqlı şəxs arasında bağlanmış xx.xx.2023-cü il tarixli barışıq sazişinin təsdiq edilməsini və barışıq sazişində göstərilən qaydada birgə nikahlarından doğulmuş 15 iyun 2011-ci il tarixdə anadan olmuş X10, 05 avqust 2013-cü il tarixdə anadan olmuş X6 və 11 noyabr 2020-ci il tarixdə anadan olmuş X1 üçün hər ay hər uşağa 50 manat olmaqla, cəmi 150 manat alimentin Maraqlı şəxs tutularaq ona ödənilməsinə dair qətnamə çıxarılmasını xahiş etmişdir. Ərizə onunla əsaslandırılmışdır ki, Maraqlı şəxs aralarında bağlanmış barışıq sazişinə əsasən öhdəsinə götürdüyü öhdəliyi icra etməkdən yayınır. Maraqlı şəxs könüllü olaraq hər hansı köməklik göstərmədiyindən məhkəməyə müraciət etmək məcburiyyətində qalmışdır. Məhkəmə iclasında ərizəçi ərizəsinin təmin olunmasını xahiş etdi. Məhkəmə iclasında maraqlı şəxs ərizənin təmin olunmasına razı olduğunu bildirdi. Məhkəmə, işdə iştirak edən şəxsləri dinləyərk, mülki işin materiallarını araşdıraraq hesab edir ki, ərizə təmin edilməlidir. “Mediasiya haqqında” Azərbaycan Respublikası Qanununun 34-cü maddəsinə əsasən, barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Barışıq sazişinin könüllü icrasından boyun qaçırma Azərbaycan Respublikasının Mülki Məcəlləsinə uyğun olaraq barışıq sazişində müəyyən olunan məsuliyyətə səbəb olur. Əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). Barışıq sazişi bu Qanunun 33.3-cü maddəsinə zidd olduqda, onun təsdiq edilməsindən imtina olunur. Həmin Qanunun 33.3-cü maddəsinə əsasən, barışıq sazişi qanuna və bu Qanunun 3.3-cü maddəsinin birinci cümləsinin müddəalarına zidd olmamalıdır. Həmin Qanunun 3.3-cü maddəsinə əsasən, bu Qanunun 3.1-ci maddəsində nəzərdə tutulan mübahisələr mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunduqda belə mübahisələr üzrə mediasiya keçirilə bilməz. Həmin hallar aşkar edildikdə mediator (mediasiya təşkilatı), tərəflər və ya onlardan biri həmin mübahisələr üzrə mediasiya prosesindən imtina edirlər. Azərbaycan Respublikası Mülki Prosessual Məcəlləsinin (bundan sonra – MPM) 355- 23.1-ci maddəsinə əsasən, “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355-26.1-ci maddəsinə əsasən, barışıq sazişi və ya onun bir hissəsi qanuna zidd olduqda; barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda məhkəmə barışıq sazişinin və ya onun bir hissəsinin təsdiq edilməsindən imtina edir. Ailə Məcəlləsinin 22.2.2-ci maddəsinə əsasən, uşaqlar üçün alimentin hansı valideyndən və hansı miqdarda tutulduğunun müəyyən edilməsi nikah məhkəmə qaydasında pozularkən, məhkəmənin həll etdiyi məsələlərdəndir. Həmin Məcəllənin 75.1ci maddəsinə əsasən valideynlər uşaqlarını saxlama borcludurlar. Həmin Məcəllənin 75.4cü maddəsinə əsasən, valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Həmin Məcəllənin 78.1-ci maddəsinə əsasən, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişkən olarsa, ya da qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağını əhəmiyyətli dərəcədə pozduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda, həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Həmin Məcəllənin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. “Azərbaycan Respublikasında 2024-cü il üçün yaşayış minimumu haqqında” 5 dekabr 2023-ci il tarixli Azərbaycan Respublikası Qanununa əsasən 2024-cü il üçün yaşayış minimumu ölkə üzrə 270 manat, əmək qabiliyyətli əhali üçün 287 manat, pensiyaçılar üçün 222 manat, uşaqlar üçün 235 manat məbləğində müəyyən edilmişdir. İşin tədqiq edilmiş halları əsasında müəyyən edilmişdir ki, maraqlı şəxs mediasiya prosesi nəticəsində əldə edilən barışıq sazişinin imzalandığı xx.xx.2023-cü il tarixdən 10 gün müddətində alimentin ödənilməsi hissəsində könüllü şəkildə lazımınca icra etməmişdir. Bu halı təkzib edən hər hansı dəlil məhkəməyə təqdim edilməmişdir. Bununla yanaşı, barışıq sazişinin və ya onun bir hissəsinin təsdiq edilməsindən imtina üçün əsaslar qanunvericiliklə nəzərdə tutulmuşdur. İmtina üçün qeyd edilən əsaslardan hər hansı biri iş materialları ilə müəyyən olunmur, habelə maraqlı şəxs sazişlə üzərinə götürdüyü öhdəliyin icrasından azad olunmasına dair sübut təqdim etməmişdir. Belə olan halda, ərizə əsaslı olduğu üçün təmin edilməlidir. Məhkəmə alimentin tutulma müddətini araşdıraraq hesab edir ki, alimentin hesablanma tarixi tərəflərin sazişi əsasən tərəflərin qarşılıqlı razılıqla müəyyən olunmadığından, tərəflərin sazişi imzaladığı xx.xx.2023-cü il tarixdən başlanmalıdır. Belə ki, Ailə Məcəlləsinin 100.3-cü maddəsinə əsasən məhkəmə iddiaçının aliment almaq üçün məhkəməyə müraciət edənədək tədbirlər gördüyünü, lakin aliment ödəməli olan şəxsin onu verməkdən boyun qaçırması nəticəsində alimentin alınmadığını müəyyən edərsə, əvvəlki dövr üçün aliment 3 illik müddət həddində verilə bilər. Məhkəmə eyni zamanda hesab edir ki, qətnamə alimentin tutulmasına aid hissədə dərhal icra edilməlidir. Belə ki, Azərbaycan Respublikası MPM-nin 234.2.1-ci maddəsinə əsasən, şəxsin saxlanması üçün vəsaitlərin, o cümlədən alimentlərin alınması haqqında qətnamələr dərhal icra olunur. Yuxarıda göstərilənlərə əsasən və Azərbaycan Respublikası MPM-nin 216-220, 227, 355-23-355-26, 358-360 və 362-ci maddələrini rəhbər tutaraq, məhkəmə qətetdi: Ərizə təmin edilsin. Ərizəçi, Maraqlı şəxs, həmçinin mediator X5 iştirakı ilə bağlanılmış xx.xx.2023-cü il tarixli barışıq sazişi aşağıdakı hissəvi məzmunda təsdiq edilsin: “X2, X4, X3 - üç azyaşlı uşaqların saxlanılması üçün hər birinə hər ay 50 manat, cəmi 150 manat aliment pulunun ana Ərizəçi hər ayın 01-i tarixindən 20-si tarixinə kimi kartına ata Maraqlı şəxs tərəfindən göndərilməsinə razılaşdılar.” Qətnamə aliment tutulması hissəsində dərhal icra edilsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Gəncə Şəhər Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Xədicə Səfərli