Ağcabədi Rayon Məhkəməsi Qərardad — İş №2(5-106)-144/2026

Azərbaycan Respublikası adından QƏRARDAD Ağcabədi rayonu İş № 2(5-106)-144/2026 03.02.2026 AĞCABƏDİ RAYON MƏHKƏMƏSİ Ağcabədi rayon Məhkəməsinin hakimi Musayev Şahəli Calal oğlu, Ərizəçi ölüm faktının müəyyən edilməsinə dair ərizəsini və ona əlavə edilmiş sənədləri nəzərdən keçirərək, müəyyən etdi: Ərizəçi ölüm faktının müəyyən edilməsinə dair ərizə ilə məhkəməyə müraciət edərək 07 iyul 1970-ci il tarixdə anadan olmuş, mərhum atam Ərizəçi xx.xx.2026-cı il tarixdə Bakı şəhərində ölməsi faktının müəyyən edilməsi barədə qətnamə qəbul edilməsini xahiş etmişdir. Məhkəmə ərizəni nəzərdən keçirib müəyyən etdi ki, ərizəçi Azərbaycan Respublikası Mülki Prosessual Məcəlləsinin (bundan sonra MPM) tələblərinə riayət edilmədən verilmişdir. Belə ki, məhkəmə ərizəni nəzərdən keçirib müəyyən etdi ki, ərizəçinin hüquqi marağı mərhum atası Ərizəçi ölüm haqqında şəhadətnamənin əldə olunmasından ibarətdir. Azərbaycan Respublikası İnzibati Prosessual Məcəlləsinin 1.1-ci maddəsinin tələbinə görə bu Məcəllə inzibati hüquq münasibətləri ilə bağlı mübahisələrin (bundan sonrainzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. Həmin Məcəllənin 2.1-ci maddəsinə əsasən Qanunla başqa aidiyyət qaydası müəyyən edilməmişdirsə, inzibati mübahisələrə dair işlər üzrə məhkəmə icraatı inzibati məhkəmələr və inzibati kollegiyalar tərəfindən həyata keçirilir. Həmin Məcəllənin 2.2.2 və 2.2.3-cü maddələrinin tələbinə görə inzibati məhkəmə icraatı qaydasında inzibati orqanın üzərinə inzibati aktın qəbul edilməsi ilə bağlı müvafiq öhdəliyin qoyulmasına dair iddialara və ya inzibati orqanın hərəkətsizliyindən müdafiəyə dair iddialara (məcburetmə haqqında iddia); inzibati orqan tərəfindən inzibati aktın qəbul edilməsi ilə əlaqədar olmayan müəyyən hərəkətlərin edilməsinə dair iddialara (və öhdəliyin icrası haqqında iddia) baxılır. Azərbaycan Respublikası Mülki-Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Azərbaycan Respublikası Mülki Prosessual Məcəlləsinin 152.1.3-cü maddəsinə əsasən hakim iddia ərizəsini əgər iş ərazi aidiyyəti üzrə həmin məhkəmədə baxılmalı deyildirsə iddia ərizəsini geri qaytarır. İş materiallarından görünür ki, iddiaçı inzibati mübahisələrin məhkəmə aidiyyəti qaydalarına da əməl etməmişdir. Ərizənin məzmunundan görünür ki, ərizəçi mərhum atası Ərizəçi ölümü ilə bağlı X1 Xidmət Mərkəzində Qeydiyyat şöbəsinə müraciət edərəkən onun ölümü ilə bağlı həkim şəhadətnaməsi olmadığından ölüm faktının məhkəmə tərəfindən müəyyən edilməsi göstərilərək ölümün qeydiyyat şöbəsində qeydə alınmasının mümkün olmaması səbəbindən mərhum atası Ərizəçi xx.xx.2026-cı il tarixdə Bakı şəhərində ölməsi faktının müəyyən edilməsi barədə qətnamə çıxarılmasını xahiş etmişdir. Məhkəmə qeyd edilən ərizənin şəxsin hüquq və vəzifələri ilə bağlı inzibati orqan tərəfindən (“Ağcabədi rayon Mərkəzi Xəstəxanası” X2) tibbi şəhadətnamə verilməsi öhdəliyinin cavabdehin üzərinə qoyulmasına dair iddialara aid olduğundan və mövcud mübahisə inzibati xarakterli olduğundan inzibati məhkəmə (Şirvan İnzibati Məhkəməsi) tərəfindən baxılmalı olduğunu hesab edir. Qeyd edilənlər əsasında hesab edirəm ki, ərizənin məhkəmə icraatına götürülməsi qeyri-mümkündür. Həmçinin izah edirəm ki, ərizənin qaytarılmasına əsas olmuş nöqsanlar aradan qaldırıldıqdan sonra ərizəçi ümumi qaydada inzibati mübahisələrin məhkəmə aidiyyəti qaydalarına əməl etməklə ərazi aidiyyəti üzrə inzibati mübahisələrə dair işlər üzrə məhkəməyə müraciət edə bilər. Həmçinin xx.xx.2026-cı il tarixdə ********** nömrəli qəbzə əsasən Ağcabədi Rayon Məhkəməsinin hesabına ödənilmiş 100 manat məbləğində dövlət rüsumu tam olaraq Ərizəçi qaytarılmalıdır. Azərbaycan Respublikası Mülki Məcəlləsinin 114.1.3-cü maddəsinin tələbinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Həmin Məcəllənin 114.2-ci maddəsinə əsasən bu Məcəllənin 114.1.1-ci maddəsində nəzərdə tutulmuş hallarda dövlət rüsumunun artıq ödənilmiş hissəsi geri qaytarılır. Dövlət rüsumu Azərbaycan Respublikasının qanunları ilə nəzərdə tutulmuş digər hallarda da geri qaytarılır. Məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. Göstərilənlərə əsasən və Azərbaycan Respublikası Mülki-Prosessual Məcəlləsinin 151.1, 152.1.3-cü və 263-268-ci maddələrini, Azərbaycan Respublikası İnzibati Prosessual Məcəlləsinin 1.1, 2.1, 2.2.2, 2.2.3-cü maddələrini rəhbər tutaraq qərara aldı: Ərizə və ona əlavə edilmiş sənədlər Ərizəçi qaytarılsın. Ərizəçi ümumi qaydada aidiyyəti üzrə inzibati mübahisələrə dair işlər üzrə məhkəməyə (Şirvan İnzibati Məhkəməsi) müraciət etmək hüququnun olması izah edilsin. Məhkəməyə müraciət edilməsi üçün ödənilmiş 100 manat dövlət rüsumu (Əməliyyat İD:**********, qəbzin nömrəsi: **********, terminal nömrəsi: K0153012, xx.xx.2026-cı il tarixli) Ərizəçi geri qaytarılsın. Qərardaddan rəsmi qaydada verildiyi gündən 10 gün müddətində Ağcabədi rayon Məhkəməsinə şikayət verilə bilər. Hakim Şahəli Musayev