Ağsu Rayon Məhkəməsi Qərardad — İş №2(5-110)-212/2026

Azərbaycan Respublikası adından QƏRARDAD Ağsu rayonu İş № 2(5-110)-212/2026 18.02.2026 AĞSU RAYON MƏHKƏMƏSİ X2 Ərizəçi Maraqlı şəxsnə qarşı “ölümün qeyd edilmə faktı” tələbinə dair ərizəsinin məhkəmənin icraatına qəbul edilməsinin mümkünlüyünə baxaraq, MÜƏYYƏN ETDİ: Ərizəçi “ölümün qeyd edilmə faktı” tələbinə dair ərizə ilə məhkəməyə müraciət etmişdir. Ərizəni nəzərdən keçirərək məhkəmə hesab edir ki, iddianın yolverilməzliyinə görə ərizənin qəbulundan imtina edilməlidir. Belə ki, ərizədən görünür ki, ərizəçi keçmiş həyat yoldaşı X1 ölümünün qeyd edilməsini xahiş etmişdir. Lakin mülki işə əlavə edilmiş sənədlərdən görünür ki, X1 ölümü haqqında RF Ryazan vilayəti Baş VVAQ idarəsinin Ryazan şəhər üzrə ixtisaslaşdırılmış VVAQ şöbəsi 96200006 tərəfindən xx.xx.2024-cü il tarixli İİ-ОБ 716536 №-li ölüm haqqında şəhadətnamə verilmiş və Bakı şəhəri 1 saylı notariat ofisində təsdiq etdirilmişdir. Beləliklə, X1 ölüm haqqında şəhadətnaməsi olduğu üçün, ərizəçinin ərizəsinə məhkəmədə baxılmalı deyil. Azərbaycan Respublikası Mülki Prosessual Məcəlləsinin (bundan sonra mətndə - MPM) 153.2.1-ci maddəsinə əsasən, ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. MPM-in 153.4-cü maddəsinə əsasən, ərizəni qəbul etməkdən imtina haqqında qərardad ərizəyə əlavə olunmuş bütün sənədlərlə birlikdə ərizəçiyə rəsmi qaydada verilməlidir. MPM-in 153.5-ci maddəsinə əsasən, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Beləliklə, məhkəmə hesab edir ki, ərizəçinin hazırkı tələbinə məhkəmə qaydasında baxıla bilməz. Yuxarıda göstərilənlərə və MPM-in 153, 263, 264, 268 və 269-cu maddələrinə əsasən, məhkəmə QƏRARA ALDİ: Ərizəçi Maraqlı şəxsnə qarşı “ölümün qeyd edilmə faktı” tələbinə dair iş üzrə iddia ərizəsi və ona əlavə edilmiş sənədlər geri qaytarılsın. Ərizəçi tərəfindən xx.xx.2026-cı il tarixdə, ********** saylı qəbzlə ödənilmiş 100 manat dövlət rüsumu dövlət büdcəsindən alınıb ona geri qaytarılsın. Ərizəçiyə izah olunsun ki, iddia ərizəsinin qaytarılması ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Ağsu Rayon Məhkəməsinə şikayət verilə bilər. Sədrlik edən Babək Qasımov