Bakı Şəhəri Binəqədi Rayon Məhkəməsi Qərardad — İş №e-2(001)-3711/2022

Azərbaycan Respublikası adından QƏRARDAD Bakı şəhəri İş № e-2(001)-3711/2022 18.05.2022 BAKI ŞƏHƏRİ BİNƏQƏDİ RAYON MƏHKƏMƏSİ Mən, Bakı şəhəri Binəqədi Rayon Məhkəməsinin hakimi Abdıyev Fuad Vilayət oğlu, İddiaçı cavabdehlər X6, X3, X1 və Cavabdeh MTK-ya qarşı “mənzilə dair aparılmış qeydiyyatların və alqı-satqı müqaviləsinin etibarsız hesab edilməsi” tələbinə dair iddia ərizəsinin mümkünlüyü haqqında məsələyə baxaraq, MÜƏYYƏN ETDİM: İddiaçıiddia ərizəsi ilə məhkəməyə müraciət edərək, Bakı şəhəri, Binəqədi rayonu, C.Xəndan küçəsi, 3203-cü məhəllədə yerləşən yaşayış binasının ½ hissəsi üzərində pay hüququ olan 87.98 kv.m ümumi sahədən ibarət 2 otaqlı 47 saylı mənzilin Cavabdeh MTKnın rəhbərliyi tərəfindən, Cavabdeh MTK-nın əməkdaşı olan cavabdeh X4 adına MTK-nın payçısı kimi qeydiyyata alınmasına dair cavabdeh X4 adına rəsmiləşdirilməsi barədə protokol və aparılmış sənədləşdirmənin, bu sənədləşdirmə əsasında Mülkiyyət Hüquqularının Qeydiyyatı İdarəsində X4 adına aparılmış xx.xx.2020-ci il tarixli, **********30-**********0 saylı reyestr qeydiyyatının, bu qeydiyyat əsasında həyata keçirilmiş xx.xx.2021-ci il tarixli, AN-İ seriyalı, ******* saylı alqı-satqı müqaviləsinin və bu müqavilə əsasında cavabdeh X2 adına aparılmış xx.xx.2021-ci il tarixli, **********30-**********0 saylı reyestr qeydiyyatının etibarsız hesab edilməsi barədə qətnamə çıxarılmasını xahiş etmişdir. İddia ərizəsinin mümkünlüyü məsələsinə baxıb, iş materiallarını araşdırıb hesab edirəm ki, iddia ərizəsi, ona əlavə olunmuş sənədlərlə birlikdə geri qaytarılmalıdır. Belə ki, X5 iddia üzrə cavabdeh qismində müəyyən edilsə də, ona qarşı yönələn tələb göstərilməmişdir. Azərbaycan Respublikası Mülki-Prosessual Məcəlləsinin: 149.2.3-cü maddəsinə əsasəniddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir; 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, iddia ərizəsinin forması və məzmunu baxımından düzgün tərtib olunmamasını, o cümlədən iddiaçı tərəfindən hər bir cavabdehə qarşı yönələn tələbin göstərilmədiyini nəzərə alıb hesab edirəm ki, iddia ərizəsi, ona əlavə edilmiş sənədlərlə birlikdə geri qaytarılmalı, iddiaçıya qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah olunmalıdır. Qeyd olanlara əsasən və Azərbaycan Respublikası MPM–nin 149-cu, 152-ci, 263- 264-cü maddələrini rəhbər tutaraq, QƏRARA ALDİM: İddiaçı cavabdehlər X6, X3, X1 və Cavabdeh MTK-ya qarşı “mənzilə dair aparılmış qeydiyyatların və alqı-satqı müqaviləsinin etibarsız hesab edilməsi” tələbinə dair iddia ərizəsi, ona əlavə edilmiş sənədlərlə birlikdə geri qaytarılsın. İddiaçı nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah olunsun. Qərardaddan rəsmi qaydada verildikdən sonra 10 (on) gün müddətində Bakı şəhər Binəqədi Rayon Məhkəməsinə şikayət verilə bilər. Hakim Fuad Abdıyev