Bakı Şəhəri Xəzər Rayon Məhkəməsi Qərardad — İş №e-2(003)-1792/2024

Azərbaycan Respublikası adından QƏRARDAD Bakı şəhəri İş № e-2(003)-1792/2024 12.03.2024 BAKI ŞƏHƏRİ XƏZƏR RAYON MƏHKƏMƏSİ Mən, Bakı şəhəri Xəzər Rayon Məhkəməsinin hakimi Məmmədli Emin İlham oğlu, İddiaçı Cavabdeh qarşı “əmlakın boşaldılaraq təhvil verilməsi və əldə çıxmış fayda” tələbinə dair iddia ərizəsinin məhkəmə icraatının mümkünlüyünə dair məsələyə baxaraq, m ü ə y y ə n e t d i m: İddiaçı Cavabdeh qarşı “əmlakın boşaldılaraq təhvil verilməsi və əldə çıxmış fayda” tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirib hesab edirəm ki, ərizə və ona əlavə edilmiş sənədlər geri qaytarılmalıdır. Belə ki, iddia ərizəsinə qanunla müəyyən edilmiş qaydada və məbləğdə dövlət rüsumunun ödənilməsi haqqında sənəd əlavə edilməmişdir. İddiaçı “AZEMİS” Elektron Məhkəmə İnformasiya Sistemi vasitəsilə iddia ərizəsi ilə müraciət etmişdir. İddia ərizəsinin “Dövlət rüsumunun ödənilməsi haqqında məlumat”da qeyd etmişdir ki, “X2 Azaddır - əməyin ödənilməsi və əmək fəaliyyəti ilə bağlı digər tələblər üzrə - iddiaçılar”. Eyni zamanda iddiaçı iddia ərizəsinə xx.xx.2022-ci il tarixli, ********** saylı qəbzi əlavə etmişdir ki, həmin qəbzin İddiaçı Cavabdeh qarşı “əmlak və əldən çıxmış fayda” tələbinə dair ilkin iddia ərizəsi ilə xx.xx.2022-ci il tarixdə müraciət edərkən istifadə edilməsi müəyyən edilmişdir. Belə ki, Bakı şəhəri, Xəzər Rayon Məhkəməsinin xx.xx.2023-cü il tarixli, 2(003)- 532/2023 saylı qərardadı ilə İddiaçı Cavabdeh qarşı “əmlak və əldən çıxmış fayda” tələbinə dair ilkin iddia ərizəsi, iddiaçı Cavabdeh İddiaçı və müstəqil tələb irəli sürməyən 3cü şəxs Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri X1rşı “əmlakın boşaldılması və əldən çıxmış fayda” tələbinə dair qarşılıqlı iddia ərizəsi və ona əlavə edilmiş sənədlər baxılmadan iddiaçıya geri qaytarılması qərara alınmışdır. Bndan başqa iddiaçının hazırki iddia ərizəsinin məzmunundan müəyyən edilir ki, iddiaçının Cavabdeh qarşı “əmlakın boşaldılaraq təhvil verilməsi və əldə çıxmış fayda” tələbindən ibarətdir və iddiasında xx.xx.2019-cu il tarixdən məhkəm qərarı icra olunana qədər Cavabdeh qanunsuz hərəkətləri nəticəsində dəymiş ziyanın əvəzi (əldən çıxmış fayda) olaraq aylıq 800 manat hesablanaraq ona ödənilməsini tələb etmişdir. Qeyd edilməlidir ki, iddiaçının tələbi təxminən 5 il üzrə hər ay 800 manat zərər əvəzindən (əldə çıxmış faydadan) ibarətdir ki, buda 5 il ərzində (60 ayX800 manat=48000 manat) 48000 manat edir. İddiaçı dövlət rüsumunu ödəməmiş və ya dövlət rüsumunun ödənilməsini təsdiq edən sənədi (“AZEMİS” Elektron Məhkəmə İnformasiya Sistemi vasitəsilə Dövlət rüsumunun ödənilməsi haqqında məlumatda qeyd etməmişdir) məhkəməyə təqdim etməmişdir. Həmin Qanunun 8.1-ci madəsinə əsasən, qiymətləndirilən iddia ərizəsinin verilməsinə görə: 8.1.1 iddia qiyməti 1.000 manatadək olduqda 30 manat; 8.1.2. iddia qiyməti 1.000 manatdan 10.000 manatadək olduqda 30 manat + 1.000 manatdan yuxarı olan iddia qiymətinin 1 faizi; 8.1.3. iddia qiyməti 10.000 manatdan 100.000 manatadək olduqda 120 manat + 10.000 manatdan yuxarı olan iddia qiymətinin 0,3 faizi; 8.1.4. iddia qiyməti 100.000 manatdan 1.000.000 manatadək olduqda 90 manat + 100.000 manatdan yuxarı olan iddia qiymətinin 0,1 faizi; 8.1.5. iddia qiyməti 1.000.000 manatdan çox olduqda 1.290 manat + 1.000.000 manatdan yuxarı olan iddia qiymətinin 0,05 faizi (hər bir halda 50.000 manatdan çox olmamaqla) dövlət rüsumu tutulur. Azərbaycan Respublikası Mülki Prosessual Məcəlləsinin 150.1.2-ci maddəsinə əsasən, “Dövlət rüsumunun ödənilməsi haqqında sənəd iddia ərizəsinə əlavə edilməlidir. Həmin Məcəllənin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Buna görə də, məhkəməyə müraciət edilərkən hər bir şəxs ərizənin və ya iddia ərizəsinin verilməsinin MPM-lə müəyyən edilmiş qaydasına, formasına və məzmununa, həmin sənədlərə aid müəyyən edilmiş tələblərə əməl etməlidir. Bunlara əməl edilməklə məhkəməyə müraciət edildiyi hallarda məhkəmədə iş başlanılır. Beləliklə, məhkəmə hesab edir ki, iddia ərizəsinə müəyyən edilmiş qaydada və məbləğdə dövlət rüsumunun ödənilməsi barədə sənəd əlavə edilmədiyinə görə iddia ərizəsinin icraata qəbul olunaraq baxılması mümkün deyildir. Odur ki, iddia ərizəsi və ona əlavə edilmiş sənədlər geri qaytarılmalıdır. Məhkəmə həmçinin qeyd edir ki, Azərbaycan Respublikası MPM-in 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası MPM-nin 108.1.1, 108.3, 152.1, 152.1.5, və 152.2–ci maddələrini rəhbər tutaraq, q ə r a r a a l d ı m: İddiaçı Cavabdeh qarşı “əmlakın boşaldılaraq təhvil verilməsi və əldə çıxmış fayda” tələbinə dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 (on) gün müddətində (Elektron Məhkəmə İnformasiya Sistemində yaradılmış elektron kabinetdən istifadə edilməklə) Bakı şəhəri Xəzər Rayon Məhkəməsinə şikayət verilə bilər. Hakim Emin Məmmədli