Bakı Şəhəri Nəsimi Rayon Məhkəməsi Qərardad — İş №e-2(006)-3495/2025

Azərbaycan Respublikası adından QƏRARDAD Bakı şəhəri İş № e-2(006)-3495/2025 27.05.2025 BAKI ŞƏHƏRİ NƏSİMİ RAYON MƏHKƏMƏSİ Hakim Miriyeva Həbibə Novruz qızı, İddiaçı Cavabdehovnaya və müstəqil tələb irəli sürməyən üçüncü şəxslər 22 saylı Bakı şəhəri Dövlət Notariat Kontoruna və Daşınmaz Əmlakın Dövlət Kadastrı və Reyestri publik hüquqi şəxsin 1 saylı Ərazi İdarəsinə qarşı alqı-satqı müqaviləsinin bağlanmış hesab edilməsi tələbinə dair iddia ərizəsini və ona əlavə olunmuş sənədləri nəzərdən keçirərək, MÜƏYYƏN ETDİ: İddiaçı Cavabdehovnaya və müstəqil tələb irəli sürməyən üçüncü şəxslər 22 saylı Bakı şəhəri Dövlət Notariat Kontoruna və Daşınmaz Əmlakın Dövlət Kadastrı və Reyestri publik hüquqi şəxsin 1 saylı Ərazi İdarəsinə qarşı alqı-satqı müqaviləsinin bağlanmış hesab edilməsi tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə olunmuş sənədləri nəzərdən keçirərək, hesab edir ki, iddia ərizəsi iddianın yolverilməzliyinə görə qəbul edilməkdən imtina edilməlidir. Belə ki, iş materiallarında olan ölüm haqqında şəhadətnamələrin surətlərindən, habelə iddia ərizəsinin məzmunundan görünür ki, Cavabdehovna xx.xx.2001-ci ildə, X1 xx.xx.2020-ci il tarixdə vəfat etmişlər. Məhkəmə qeyd edir ki, iş materiallarından göründüyü kimi, iddia ərizəsində cavabdeh qismində cəlb edilmiş Cavabdehovna, habelə iddia tələbində alqı-satqı müqaviləsini bağladığı iddia edilən X1 öldüyündən İddiaçı iddia ərizəsi və ona əlavə olunmuş sənədləri iddianın yol verilməzliyinə görə icraata qəbul edilməkdən imtina edilməli və iddiaçıya geri qaytarılmalıdır. Azərbaycan Respublikası Mülki Prosessual Məcəlləsinin 153.2.1-cü maddəsinin tələbinə əsasən ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə, hakim iddianın yolverməzliyinə görə iddia ərizəsini qəbul etməkdən imtina edir. Məhkəmə eyni zamanda qeyd edir ki, Azərbaycan Respublikası Mülki Prosessual Məcəlləsinin 114.1.2-ci maddəsinə əsasən bu Məcəllə ilə nəzərdə tutulmuş əsaslarla ərizəni baxılmaq üçün qəbul etməkdən imtina edilərsə, ödənilmiş dövlət rüsumu qaytarılır. Göstərilənlərə əsasən məhkəmə hesab edir ki, İddiaçı vəkili və nümayəndəsi Vəkil tərəfindən (“Asan ödəniş” sistemi, mədaxil qəbzi 205298, tarix: xx.xx.2025, saat: 14:08) ödənilmiş 100 manat məbləğində dövlət rüsumu dövlət büdcəsindən İddiaçı vəkili və nümayəndəsi Vəkil geri qaytarılmalıdır. Yuxarıda göstərilənlərə əsasən və Azərbaycan Respublikası MPM-in 153.2.1, 153.3, 263, 267-269-cu maddələrini rəhbər tutaraq, QƏRARA ALDİ: İddiaçı Cavabdehovnaya və müstəqil tələb irəli sürməyən üçüncü şəxslər 22 saylı Bakı şəhəri Dövlət Notariat Kontoruna və Daşınmaz Əmlakın Dövlət Kadastrı və Reyestri publik hüquqi şəxsin 1 saylı Ərazi İdarəsinə qarşı alqı-satqı müqaviləsinin bağlanmış hesab edilməsi tələbinə dair iddia ərizəsi və ona əlavə edilmiş sənədlər iddianın yolverilməzliyinə görə icraata qəbul edilməkdən imtina edilsin. İddiaçı vəkili və nümayəndəsi Vəkil tərəfindən (“Asan ödəniş” sistemi, mədaxil qəbzi 205298, tarix: xx.xx.2025, saat: 14:08) ödənilmiş 100 (yüz) manat məbləğində dövlət rüsumu dövlət büdcəsindən İddiaçı vəkili və nümayəndəsi Vəkil geri qaytarılsın. Qərardaddan, tərəflərə rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılmış elektron kabinet vasitəsilə Bakı Şəhəri Nəsimi Rayon Məhkəməsinə şikayət verilə bilər. Hakim Həbibə Miriyeva