Balakən Rayon Məhkəməsi Qərardad — İş №e-2(019)-1268/2021

Azərbaycan Respublikası adından QƏRARDAD Balakən Rayonu İş № e-2(019)-1268/2021 06.12.2021 BALAKƏN RAYON MƏHKƏMƏSİ Balakən Rayon Məhkəməsinin hakimi Tahirov Zamin Cəbrayıl oğlu, İddiaçı Cavabdeh qarşı miras əmlakların naturada ayrılması, cavabdehin ona məxsus əmlakların 14\18 hissəsindən çıxarılması tələbinə dair iddia ərizəsini ona əlavə edilmiş sənədlərlə birlikdə nəzərdən keçirərək, m ü ə y y ə n e t d i m: İddiaçı Cavabdeh qarşı iddia ərizəsi ilə Balakən Rayon Məhkəməsinə müraciət edərək, Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidməti DƏDRX-nin 18 saylı Zaqatala Ərazi İdarəsi tərəfindən verilmiş, Hüquqların Dövlət Qeydiyyatı haqqında çıxarış reyestr nömrəsi -**********6-10301 qeydiyyat nömrəsi ********** olan çıxarışa əsasən, onun mülkiyyətinə verilmiş Balakən rayonu, Mahamalar kəndində Təpəçöl ərazisində yerləşən 0,0114 ha xüsusi mülkiyyətdə olan fərdi yaşayış evinin 14\18 hissəsinin naturada ayrılması, Cavabdeh mənə məxsus 14\18 hissəsindən çıxarılması,Azərbaycan Respublikası İqtisadiyyat Nazirliyi Yanında ƏMDK DƏDRX-nin 18 saylı Ərazi İdarəsi tərəfindən verilmiş reyestr nömrəsi **********14-06301, qeydiyyat nömrəsi ********** olan Balakən rayonu, Mahamalar kəndində /’Təpəçöl” ərazisində yerləşən 0.06 ha torpaq sahəsinin üzərində olan 600 kv.m qeyri-yaşayış binasının 14\18 hissəsinin naturada ayrılması, Cavabdeh ona məxsus 14\18 hissəsindən çıxarılması, Azərbaycan Respublikası İqtisadiyyat Nazirliyi Yanında Əmlak Məsələləri Dövlət Xidməti DƏDRX-nin 18 saylı Zaqatala Ərazi İdarəsi tərəfindən verilmiş, Hüquqların Dövlət Qeydiyyatından reyestr nömrəsi- **********15-06301 olan, qeydiyyat nömrəsi ********** olan 0.1518 ha kənd təsərrüfatı təyinatlı torpaq sahəsinin üzərində yerləşən 1518 kv.m qeyri yaşayış binasının 14\18 hissəsinin naturada ayrılması, Cavabdeh mənə məxsus 14\18 hissəsindən çıxarılması, barədə qətnamə qətnamə çıxarılmasını xahiş etmişdir. Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Hazırki ərizənin məhkəmə icraatının mümkünlüyü yoxlanılarkən müəyyən edilmişdir ki, ərizənin Azərbaycan Respublikası MPM-nin 149-cu maddəsi ilə müəyyən olunmuş formasına və məzmununa riayət olunmamışdır. Belə ki, Azərbaycan Respublikası MPM-nin 149.1-ci maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Azərbaycan Respublikası MPM-nin 149.2.3-cü maddəsinə əsasən ərizədə iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Lakin hazırki iddia ərizəsində cavabdehin vərəsə olmasını təsdiq edən sənəd və iya mirası qəbul etməsini təsdiq edən sənəd, Balakən rayonu, Mahamalar kəndində Təpəçöl ərazisində yerləşən 0,0114 ha xüsusi mülkiyyətdə olan fərdi yaşayış evinin 14\18 hissəsinin naturada ayrılmasının, Balakən rayonu, Mahamalar kəndində /’Təpəçöl” ərazisində yerləşən 0.06 ha torpaq sahəsinin üzərində olan 600 kv.m qeyri-yaşayış binasının 14\18 hissəsinin naturada ayrılmasının, 0.1518 ha kənd təsərrüfatı təyinatlı torpaq sahəsinin üzərində yerləşən 1518 kv.m qeyri yaşayış binasının 14\18 hissəsinin naturada ayrılmasının mümkün olub-olmamasını təsdiq edən sübut (mütəxəssis rəyi, ekspertiza rəyi) göstərilməmiş və iddia ərrizəsinə əlavə edilməmişdir. Göstərilənlər hazırki iddia ərizəsi və ona əlavə olunmuş sənədlərin geri qaytarılması üçün əsasdır. Belə ki, Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə, hakim iddia ərizəsini və ona əlavə olunmuş sənədləri geri qaytarır. Azərbaycan Respublikası MPM-nin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Ona görə də hesab edirəm ki, İddiaçı Cavabdeh qarşı miras əmlakların naturada ayrılması, cavabdehin ona məxsus əmlakların 14\18 hissəsindən çıxarılması tələbinə dair iddia ərizəsi geri qaytarılmalı və İddiaçı iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilməlidir. Göstərilənlərə əsasən və Azərbaycan Respublikası MPM-nin 149-152, 263-264 və 266- 268-ci maddələrini rəhbər tutaraq, qərara a l d ı m: İddiaçı Cavabdeh qarşı miras əmlakların naturada ayrılması, cavabdehin ona məxsus əmlakların 14\18 hissəsindən çıxarılması tələbinə dair iddia ərizəsi geri qaytarılsın; İddiaçı iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilsin. Qərardaddan onun surəti tərəfə rəsmi qaydada verildikdən sonra 10 (on) gün müddətində Balakən Rayon Məhkəməsinə şikayət verilə bilər. Hakim:Zamin Tahirov