Şəki Rayon Məhkəməsi Qətnamə — İş №e-2(075)-1094/2025

Azərbaycan Respublikası adından QƏTNAMƏ Şəki şəhəri İş № e-2(075)-1094/2025 03.04.2025 ŞƏKİ RAYON MƏHKƏMƏSİ Giriş hissə: Hakim Musayev Kamran İbrahim oğlunun sədrliyi, Nəsirova Sayalı Elşad qızının katibliyi ilə, Ərizəçi Maraqlı şəxs qarşı “barışıq sazişinin təsdiq edilməsi” barədə ərizəsi üzrə mülki işə Şəki Rayon Məhkəməsinin inzibati binasında, açıq məhkəmə iclasında baxaraq, məhkəmə müəyyən etdi: İddia tələbinin dəlilləri: Ərizəçi Maraqlı şəxs qarşı ərizə ilə məhkəməyə müraciət edərək, onunıa Maraqlı şəxs arasında bağlanmış 03 mart 2025-ci il tarixli barışıq sazişinin “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətdə Maraqlı şəxs tərəfindən könüllü icra edilməyən 2.1 və 2.2-ci bəndlərinin məcburi icra edilməsi üçün həmin barışıq sazişinin 2.1 və 2.2-ci bəndlərinin təsdiq edilməsi barədə qətnamə qəbul edilməsini xahiş etmişdir. Ərizə onunla əsaslandırmışdır ki, onunla Maraqlı şəxs arasında aralarında bağlanmış nikahın pozulması, birgə nikahdan anadan olmuş uşağın himayədə saxlanılması və aliment barədə tələbim üzrə aparılmış mediasiya prosesi zamanı 03 mart 2025-ci il tarixli barışıq sazişi bağlanmışdır. 03 mart 2025-ci il tarixli barışıq sazişinin şərtlərinə görə onlar aşağıdakı şəkildə razılığa gəlmişlər. 2.1. Ərizəçi ilə Maraqlı şəxs birgə nikahdan anadan olmuş və yetkinlik yaşına çatmayan uşaqları-12 iyul 2023-cü il təvəllüdlü X1 yetkinlik yaşına çatanadək saxlanılması üçün əvvəli faktiki olaraq ayrıldıqları 01 sentyabr 2024-cü il tarixdən hesablanmaqla hər ay üçün aylıq qazancının və başqa gəlirlərinin 1/2 hissəsi (yarısı) miqdarında alimenti hər növbəti ayın birinci beş günlüyündə Ərizəçi ödəməsini Maraqlı şəxs öhdəsinə götürür və buna hər iki tərəf razıdır. 2.2. Maraqlı şəxs 12 iyul 2023cü il təvəllüdlü X1 yetkinlik yaşına çatanadək saxlanılması üçün əvvəli faktiki olaraq ayrıldıqları 01 sentyabr 2024-cü il tarixdən hesablanmış alimentin 01 mart 2025-ci il tarixədək ödənilməli olan hissəsinin 1000 (bir min) manatını 13 mart 2025-ci il tarixədək Ərizəçi ödəməsini öz öhdəsinə götürür. 2.3. Bu sazişin 2.2-ci bəndində göstərilən öhdəlik Maraqlı şəxs tərəfindən vaxtında və tam şəkildə icra edilmədiyi halda Ərizəçi bu sazişin 2.1 və 2.2-ci bəndlərinin məhkəmə qaydasında təsdiq edilməsinə dair ərizə ilə məhkəməyə müraciət etmək üçün əlavə vaxt gözləməsinə və bununla bağlı qarşı tərəfə əlavə xəbərdarlıq (məlumat, pritenziya) göndərməsinə zərurət qalmır. 2.4. Ərizəçi faktiki olaraq himayəsində olan uşağının yetkinlik yaşına çatanadək saxlanılması üçün kifayət qədər yüksək məbləğdə alimentin ödənilməsi barədə Maraqlı şəxs ilə qarşılıqlı razılığa gəldiyinə görə hazırda Maraqlı şəxs qarşı nikahın pozulması barədə müraciətinin müzakirə edilməsini tələb etmir və aralarında hazırki ailə mübahisəsinin yaranmasına səbəb olan hallar aradan qalxdıqdan sonra ailə münasibətlərinin bərpa edilməsinin mümkün olacağını düşünür. Lakin, Maraqlı şəxs barışıq sazişinin şərtlərinə riayət etməmişdir. Artıq, barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-cimaddəsi ilə müəyyən olunmuş müddət keçmişdir. İddia tələbinə qarşı etirazın dəlilləri: İddia tələbinə qarşı yazılı etiraz daxil olmamışdır. İşdə iştirak edən şəxslərin mövqeyi: Məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq ərizəçi və maraqlı şəxs məhkəmə iclasına gəlməmişlər. Ərizəçi məhkəmənin elektron kabinetinə ərizə yerləşdirərək məhkəmə iclaslarının onun iştirakı olmadan keçirilməsini xahiş etmişdir. Məhkəmə, tərəflərin iştirakı olmadan işə baxılmasını mümkün hesab etmişdir. Sübutların tədqiqi: İş materiallarında olan: - 03 mart 2025-ci il tarixli MŞŞ/MT-018/2025-00368 saylı barışıq sazişinin 2.1-ci və 2.2-ci bəndlərindən görünür ki, Ərizəçi ilə Maraqlı şəxs birgə nikahdan anadan olmuş və yetkinlik yaşına çatmayan uşaqları-12 iyul 2023-cü il təvəllüdlü X1 yetkinlik yaşına çatanadək saxlanılması üçün əvvəli faktiki olaraq ayrıldıqları 01 sentyabr 2024-cü il tarixdən hesablanmaqla hər ay üçün aylıq qazancının və başqa gəlirlərinin 1/2 hissəsi (yarısı) miqdarında alimenti hər növbəti ayın birinci beş günlüyündə Ərizəçi ödəməsini Maraqlı şəxs öhdəsinə götürür və buna hər iki tərəf razıdır. Maraqlı şəxs 12 iyul 2023-cü il təvəllüdlü X1 yetkinlik yaşına çatanadək saxlanılması üçün əvvəli faktiki olaraq ayrıldıqları 01 sentyabr 2024-cü il tarixdən hesablanmış alimentin 01 mart 2025-ci il tarixədək ödənilməli olan hissəsinin 1000 (bir min) manatını 13 mart 2025-ci il tarixədək Ərizəçi ödəməsini öz öhdəsinə götürür. Tətbiq edilən hüquq: Mülki Prosessual Məcəllənin 355-23.1-ci maddəsinə əsasən “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Mülki Prosessual Məcəllənin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Mülki Prosessual Məcəllənin 355-24-cü maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Mülki Prosessual Məcəllənin 355-25.1-ci maddəsinə əsasən barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Mülki Prosessual Məcəllənin 355-25.2-ci maddəsinə əsasən məhkəmə ərizəyə baxılması barədə işdə maraqlı olan şəxslərə məlumat verir, lakin həmin şəxslərin üzrlü səbəb olmadan məhkəmə iclasına gəlməməsi işə baxılmasına mane olmur. İşdə maraqlı olan şəxslər üzrlü səbəblərdən gəlmədiyi hallarda, məhkəmə işin baxılmasını təxirə salır. Mülki Prosessual Məcəllənin 355-25.3-cü maddəsinə əsasən məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Mülki Prosessual Məcəllənin 355-25.4-cü maddəsinə əsasən qətnamənin surəti bu Məcəllənin 227.3-cü maddəsinə uyğun olaraq tərəflərə verilir. Mülki Prosessual Məcəllənin 355-26.1-ci maddəsinə əsasən məhkəmə aşağıdakı hallarda barışıq sazişinin və ya onun bir hissəsinin təsdiq edilməsindən imtina edir: 355-26.1.1. barışıq sazişi və ya onun bir hissəsi qanuna zidd olduqda; 355-26.1.2. barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda. Mülki Prosessual Məcəllənin 355-26.2-ci maddəsinə əsasən barışıq sazişinin bir hissəsinin təsdiq edilməsinə o hallarda yol verilir ki, təsdiq edilməsindən imtina edilən hissənin təsdiq edilən hissədən ayrılması mümkün olsun. “Mediasiya haqqında” Qanunun 34.1-ci maddəsinə əsasən barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Mülki Prosessual Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Mülki Prosessual Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Mülki Prosessual Məcəllənin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Mülki Prosessual Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Mülki Prosessual Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmənin mövqeyi: Göründüyü kimi barışıq sazişinin təsdiq edilməsi xahiş olunan hissələri Maraqlı şəxs tərəfindən “Mediasiya haqqında” Qanunun 34.1-ci maddəsində nəzərdə tutulmuş müddət - 10 gün ərzində icra edilməmişdir. Göstərilənlərə və qeyd olunan qanunvericilik normalarına əsasən məhkəmə hesab edir ki, tərəflər arasında imzalanmış barışıq sazişinin 2.1 və 2.2-ci bəndlərinin təsdiq edilməsi barədə ərizə əsaslıdır və təmin edilməlidir. Məhkəmə həmçinin hesab edir ki, iddia tələbi təmin edildiyindən dövlət rüsumu və xidmət haqqı maraqlı şəxsdən tutularaq ərizəçiyə ödənilməlidir. Nəticə hissəsi: Şərh olunanlara əsasən və Azərbaycan Respublikası Mülki Prosessual Məcəlləsinin 355-23 və 355-25-ci maddələrinin tələblərini rəhbər tutaraq, məhkəmə qət etdi: Ərizə təmin edilsin. Ərizəçi ilə Maraqlı şəxs arasında bağlanmış 03 mart 2025-ci il tarixli MŞŞ/MT- 018/2025-00368 saylı barışıq sazişinin 2.1-ci və 2.2-ci bəndləri təsdiq edilsin. 2.1. Ərizəçi ilə Maraqlı şəxs birgə nikahdan anadan olmuş və yetkinlik yaşına çatmayan uşaqları-12 iyul 2023-cü il təvəllüdlü X1 yetkinlik yaşına çatanadək saxlanılması üçün əvvəli faktiki olaraq ayrıldıqları 01 sentyabr 2024-cü il tarixdən hesablanmaqla hər ay üçün aylıq qazancının və başqa gəlirlərinin 1/2 hissəsi (yarısı) miqdarında alimenti hər növbəti ayın birinci beş günlüyündə Ərizəçi ödəməsini Maraqlı şəxs öhdəsinə götürür və buna hər iki tərəf razıdır. 2.2. Maraqlı şəxs 12 iyul 2023-cü il təvəllüdlü X1 yetkinlik yaşına çatanadək saxlanılması üçün əvvəli faktiki olaraq ayrıldıqları 01 sentyabr 2024-cü il tarixdən hesablanmış alimentin 01 mart 2025-ci il tarixədək ödənilməli olan hissəsinin 1000 (bir min) manatını 13 mart 2025-ci il tarixədək Ərizəçi ödəməsini öz öhdəsinə götürür. Qətnamədən, rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsilə Şəki Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Kamran Musayev