Şəki Rayon Məhkəməsi Qətnamə — İş №e-2(075)-2656/2024

Azərbaycan Respublikası adından QƏTNAMƏ Şəki şəhəri İş № e-2(075)-2656/2024 31.10.2024 ŞƏKİ RAYON MƏHKƏMƏSİ Şəki Rayon Məhkəməsinin hakimi Vəliyev Elşən Yaşar oğlunun sədrliyi, Zəkəryəyev İlkin Fikrət oğlunun katibliyi ilə, Ərizəçi Maraqlı şəxs qarşı “barışıq sazişinin təsdiq edilməsi” barədə ərizəsi üzrə mülki işə Şəki Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏNETDİ: Ərizəçi ərizə ilə məhkəməyə müraciət edərək, onunla Maraqlı şəxs arasında bağlanmış 12 oktyabr 2024-ci il tarixli barışıq sazişinin təsdiq edilməsi və iddiasl ilə bağlı ödədiyi 100 manat dövlət rüsumunun Maraqlı şəxs alınaraq ona verilməsi barədə qətnamə çıxarılmasını məhkəmədən xahiş etmişdir. Ərizəçi məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, məhkəmə iclasına gəlməmiş, lakin məhkəməyə 22 oktyabr 2024-cü il tarixdə elektron qaydada ərizə göndərərək göndərdiyi ərizəsində zəruri işləri ilə əlaqədar olaraq məhkəmə iclaslarında üzürlü səbəblərdən iştirak edə bilməyəcəyini göstərmiş , onun iştirakı olmadan baxılaraq ərizənin təmin edilməsini xahiş etmişdir. Məhkəmə AR MPM-nin 355-25.2-ci maddəsinə əsasən işə onun iştirakı olmadan baxılmasını mümkün hesab etmişdir. Ərizəçi ərizəsini onunla əsaslandırmışdır ki, onunla, Maraqlı şəxs arasında birgə nikahlarından anadan olmuş uşaqlarının saxlanılmaları üçün aliment barədə tələbi üzrə aparılmış mediasiya prosesi zamanı 12 oktyabr 2024-ci il tarixli barışıq sazişi bağlanmışdır. 12 oktyabr 2024-ci il tarixli barışıq sazişində aşağıdakı kimi razılığa gəlmişlər. 2.1. Ərizəçi ilə Maraqlı şəxs birgə nikahdan anadan olmuş və yetkinlik yaşlarına çatmayan uşaqları 10 dekabr 2013-cü il təvəllüdlü X1 və 10 dekabr 2013-cü il təvəllüdlü X1 yetkinlik yaşlarına çatanadək saxlanılmaları üçün əvvəli 01 sentyabr 2024-cü il tarixdən hesablanmaqla hər ay hər bir uşaq üçün 300 (üç yüz) manat sabit pul məbləğində olmaqla cəmi 600 (altı yüz) manat məbləğində alimenti hər növbəti ayın birinci beş günlüyündə Ərizəçi ödəməsini Maraqlı şəxs öhdəsinə götürür və buna hər iki tərəf razıdır. 2.2. Maraqlı şəxs 10 dekabr 2013-cü il təvəllüdlü X1 və 10 dekabr 2017-ci il təvəllüdlü X2 yetkinlik yaşlarına çatanadək saxlanılmaları üçün əvvəli 01 sentyabr 2024-cü il tarixdən hesablanmış alimentin 01 oktyabr 2024-cü il tarixədək ödənilməli olan 600 (altı yüz) manat hissəsini 18 oktyabr 2024-cü il tarixədək Ərizəçi ödəməsini öz öhdəsinə götürür. Lakin, Maraqlı şəxs barışıq sazişinin şərtlərinə riayət etməmişdir. Artıq, barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddət keçmişdir. Belə ki, Maraqlı şəxs 01 oktyabr 2024-cü il tarixədək ödənilməli olan 600 (altı yüz) manat hissəsini 18 oktyabr 2024-cü il tarixədək mənə ödəməli idi. Lakin, 18 oktyabr 2024-cü il tarixdə Maraqlı şəxs ilə əlaqə saxladıqda o yığılmış aliment borcunu və digər aylar üzrə alimentin ödəməyəcəyini bildirmişdir. Mediasiya Haqqında Azərbaycan Respublikası Qanununun 34.1-ci maddəsinə əsasən barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Maraqlı şəxs məhkəmə iclasının vaxtı və yeri barədə rəsmi məlumat verilməsinə baxmayaraq, məlum olmayan səbəbdən məhkəmə iclasına gəlməmiş, gəlməməsinin səbəblərini bildirməmişdir. Odur ki, məhkəmə işə AR MPM-nin 355-25.2-ci maddəsinə əsasən maraqlı şəxsin iştirakı olmadan baxılmasını mümkün hesab etmişdir. Məhkəmə iş materiallarını araşdıraraq hesab edir ki, ərizə əsaslı olduğundan təmin edilməlidir. İş materiallarında olan Mediasiya Şurası tərəfindən təsdiq edilmiş xx.xx.2024-cü il tarixli, MŞŞ/MT-018/2024-01912 nömrəli barışıq sazişindən görünür ki, Ərizəçi ilə Maraqlı şəxs birgə nikahdan anadan olmuş və yetkinlik yaşlarına çatmayan uşaqları 10 dekabr 2013-cü il təvəllüdlü X1 və 10 dekabr 2013-cü il təvəllüdlü X1 yetkinlik yaşlarına çatanadək saxlanılmaları üçün əvvəli 01 sentyabr 2024-cü il tarixdən hesablanmaqla hər ay hər bir uşaq üçün 300 (üç yüz) manat sabit pul məbləğində olmaqla cəmi 600 (altı yüz) manat məbləğində alimenti hər növbəti ayın birinci beş günlüyündə Ərizəçi ödəməsini Maraqlı şəxs öhdəsinə götürür və buna hər iki tərəf razıdır. Maraqlı şəxs 10 dekabr 2013-cü il təvəllüdlü X1 və 10 dekabr 2017-ci il təvəllüdlü X2 yetkinlik yaşlarına çatanadək saxlanılmaları üçün əvvəli 01 sentyabr 2024-cü il tarixdən hesablanmış alimentin 01 oktyabr 2024-cü il tarixədək ödənilməli olan 600 (altı yüz) manat hissəsini 18 oktyabr 2024-cü il tarixədək Ərizəçi ödəməsini öz öhdəsinə götürür. Azərbaycan Respublikası MPM-nin 355-23.1-ci maddəsinə əsasən “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Azərbaycan Respublikası MPM-nin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. MPM-in 355-25-ci maddəsinə əsasən barışıq sazişinin təsdiq edilməsi ilə bağlı ərizəvə məhkəməyə daxil olduqdan sonra 10 gün müddətində baxılır. Məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Həmin Məcəllənin 355-26.2-ci maddəsinə əsasən barışıq sazişinin bir hissəsinin təsdiq edilməsinə o hallarda yol verilir ki, təsdiq edilməsindən imtina edilən hissənin təsdiq edilən hissədən ayrılması mümkün olsun. Göründüyü kimi barışıq sazişinin təsdiq edilməsindən imtina edilən hissəsi təsdiq edilən hissədən ayrılması mümkündür və həmin hissənin barışıq sazişinin digər hissəsi ilə bağlılığı yoxdur. X3 34-cü maddəsinə görə barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən ödilməyibsə barışıq sazişi imzalandığı gündən 10 gün müddətində könüllü şəkildə icrası olunmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 355-23 və 355-25-ci maddələrinin tələblərini rəhbər tutaraq, məhkəmə QƏT ETDİ: Ərizə təmin edilsin. Ərizəçi ilə Maraqlı şəxs arasında xx.xx.2024-cü il tarixli, MŞŞ/MT-018/2024-01912 nömrəli barışıq sazişinin 2.1 və 2.2-ci bəndi təsdiq edilsin. 2.1. Ərizəçi ilə Maraqlı şəxs birgə nikahdan anadan olmuş və yetkinlik yaşlarına çatmayan uşaqları 10 dekabr 2013-cü il təvəllüdlü X1 və 10 dekabr 2013-cü il təvəllüdlü X1 yetkinlik yaşlarına çatanadək saxlanılmaları üçün əvvəli 01 sentyabr 2024-cü il tarixdən hesablanmaqla hər ay hər bir uşaq üçün 300 (üç yüz) manat sabit pul məbləğində olmaqla cəmi 600 (altı yüz) manat məbləğində alimenti hər növbəti ayın birinci beş günlüyündə Ərizəçi Maraqlı şəxs tərəfindən ödənilsin. 2.2. Maraqlı şəxs tərəfindən 10 dekabr 2013-cü il təvəllüdlü X1 və 10 dekabr 2017ci il təvəllüdlü X2 yetkinlik yaşlarına çatanadək saxlanılmaları üçün əvvəli 01 sentyabr 2024-cü il tarixdən hesablanmış alimentin 01 oktyabr 2024-cü il tarixədək ödənilməli olan 600 (altı yüz) manat hissəsini 18 oktyabr 2024-cü il tarixədək Ərizəçi ödənilsin. Ödənilmiş 100 manat dövlət rüsumu Maraqlı şəxs alınaraq Ərizəçi verilsin. Qətnamədən rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən bir ay keçdikdən sonra qanuni qüvvəyə minir. Sədrlik edən Elşən Vəliyev