Bakı Kommersiya Məhkəməsi Qərardad — İş №e-2-2(113)-5930/2024

Azərbaycan Respublikası adından QƏRARDAD Bakı şəhəri İş № e-2-2(113)-5930/2024 29.11.2024 BAKİ KOMMERSİYA MƏHKƏMƏSİ Hakim Namazova Günay Rüstəm qızının sədrliyi, X1 katibliyi, İddiaçının və cavabdehin nümayəndələrinin iştirakı olmadan, Müstəqil tələb irəli sürməyən 3-cü şəxs Azərbaycan Dövlət Neft Şirkətinin nümayəndəsi X2 iştirakı ilə, İddiaçı MMC-nin cavabdeh “X5 Gas Limited” Şirkətinə (müstəqil tələb irəli sürməyən 3-cü şəxs Azərbaycan Dövlət Neft Şirkəti) qarşı “avadanlıqların qaytarılması” tələbinə dair kommersiya mübahisəsinə dair işə açıq məhkəmə hazırlıq iclasında baxaraq, məhkəmə MÜƏYYƏN ETDİ: İddiaçı MMC iddia ərizəsi ilə məhkəməyə müraciət edərək aşağıda qeyd olunan dəyəri təxminən 100000 manat olan “WANGUO CPT 986 XÜSUSİ” markalı H012176 dövlət qeydiyyat nişanlı avtomaşın - “JİANG LİNG SJX5226İSN XÜSUSİ” markalı H012112 dövlət qeydiyyat nişanlı avtomaşın - “JİANG LİNG SJX5280LSN25 XÜSUSİ” markalı H012160 dövlət qeydiyyat nişanlı avtomaşın - “SHUNFENG NY C53206SN YÜK” markalı AA862144 dövlət qeydiyyat nişanlı avtomaşın - “SSANG YONG REXTON RX270XDİ” markalı AA648032 dövlət qeydiyyat nişanlı avtomaşın - “UAZ 23602 YÜK” markalı AA649176 dövlət qeydiyyat nişanlı avtomaşın - “SHUNFENG NY C5320GSN YÜK” markalı AA862145 dövlət qeydiyyat nişanlı avtomaşın - 20 ədəd iritutumlu çən - 1 ədəd konteynerin cavabdeh “X5 Gas Limited” Şirkətindən alınaraq İddiaçı MMC-yə təhvil verilməsi və 390 manat məbləğində dövlət rüsumu xərcinin tutulması barədə qətnamə çıxarılmasını xahiş etmişdir. xx.xx.2024-cü il tarixində EMİS vasitəsi ilə iddiaçının nümayəndəsi ərizə ilə məhkəməyə müraciət edərək, iddia ərizəsi və ona əlavə edilmiş sənədlərin geri qaytarılmasını xahiş etmişdir. Məhkəmə hazırlıq iclasında iştirak edən 3-cü çəxsin nümayəndəsi bildirdi ki, iddiaçı tərəfindən verilmiş iddia ərizəsinin geri qaytarılması məsələsini məhkəmənin mülahizəsinə buraxırlar. Azərbaycan Respublikası Mülki Prosessual Məcəlləsinin: 170.1-ci maddəsinə əsasən həmin Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər; Məhkəmə hesab edir ki, hazırlıq iclası zamanı Azərbaycan Respublikası Mülki Prosessual Məcəlləsinin 170.1-ci maddəsi ərizənin qaytarılması imkanını nəzərdə tutduğuna görə həmin müddəa tətbiq olunaraq ərizə qaytarılmalıdır. Belə ki, Azərbaycan Respublikası MPM-nin 170.1-ci maddəsinə əsasən həmin Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Şərh olunanlara əsasən və Azərbaycan Respublikası MPM-nin 170, 263-264, 268-ci maddələrini rəhbər tutaraq, məhkəmə QƏRARA ALDİ: İddiaçı MMC-nin cavabdeh “X5 Gas Limited” Şirkətinə (müstəqil tələb irəli sürməyən 3-cü şəxs Azərbaycan Dövlət Neft Şirkəti) qarşı “avadanlıqların qaytarılması” tələbinə dair iddia ərizəsi geri qaytarılsın. İddia ərizəsi verilərkən xx.xx.2024-cü il tarixli, ********** saylı qəbzə əsasən ödənilmiş 290 manat dövlət rüsumu iddiaçıya geri qaytarılsın. Qərardaddan, tərəfə rəsmi qaydada verildikdən sonra 10 (on) gün müddətində Bakı Kommersiya Məhkəməsinə şikayət verilə bilər. Hakim Günay Namazova